已經踏入冬天，氣溫一日比一日低，保暖神器就可以大派用場，例如暖手蛋，暖水袋同埋暖包等等。父母幫小朋友準備保暖用品嘅時候，一定要注意安全。有好多人因為錯誤使用造成燙傷，呢個就係醫學專家所講嘅「低溫燙傷」。
{adv here}
{adv here}
1) 咩係低溫燙傷？
低溫燙傷係指長時間接觸溫度低嘅熱源，令到熱量積聚而導致接觸部位嘅皮膚同皮下組織燒傷。一般認為皮膚持續接觸70℃熱源超過1分鐘可導致表皮受損，而持續接觸44℃熱源達6小時，可引致皮膚下層細胞受損。
低溫燙傷嘅溫度一般喺44 至51℃，皮膚損傷程度同接觸時間成正比。而暖包就係最容易造成低溫燙傷嘅其中一個兇手。
暖包一般可以產生高達50至60℃嘅溫度，一般貼喺衫嘅外面再將熱力傳到人體，令我哋感到溫暖。但暖包長時間同皮膚某處接觸就好似「溫水煮青蛙」，不知不覺間會造成低溫燙傷嘅情況。
要留意嘅係，小朋友好容易唔記得除低暖包，所以家長一定要細心留意小朋友用暖包嘅時間，否則好容易造成低溫燙傷。
{adv here}
另一個低溫燙傷兇手，就係電熱毯。雖然電熱毯已經成為好多家庭冬天嘅恩物，但係用得唔正確，都會有低溫燙傷嘅潛在風險。
使用電熱毯的注意事項：
① 勿反覆摺疊。否則容易損毀電熱線嘅絕緣面，導致起火。
② 防止局部過熱。通電時，除咗薄被床褥床單之外唔好放其他嘢，防止溫度過高引起火災。
③ 平放於床面，床上唔好有尖銳突起嘅硬物。
④ 電熱毯唔應該使用超過6年。
⑤ 要買合規格嘅產品，切勿嘗試自己維修。
⑥ 使用時間唔好太長，入睡前30分鐘預熱，入睡時記得將電源關上，注意連續加熱唔可以超過兩個鐘。建議買溫控型電熱毯，加熱到一定溫度就會停止加熱。
⑦ 以下人仕不宜使用：孕婦、嬰幼兒、呼吸道疾病患者、心腦血管疾病患者、過敏體質者、育齡男性。
資料來源：每日頭條
