Posted on Leave a comment
PT話題

【日本爆發「蘋果病」!】七成受感染孕婦流產或胎死腹中

俗稱「蘋果病」嘅傳染性紅斑(Erythema infectiosum)喺日本大規模爆發緊;日本國立傳染病研究所指出,喺上年10月以嚟,蘋果病患者大幅增加,同前年同期比較增加咗差唔多9倍,如果懷孕媽媽感染咗,會對胎兒造成不良影響,最嚴重可能會流產。

{adv here}

{adv here}

綜合日本傳媒報導,傳染性紅斑係由細小病毒B19感染引發嘅傳染性疾病,大部分患者會出現發燒等類似感冒嘅症狀,喺臉頰兩邊會出現紅疹。雖然小童及青少年比較容易感染,但係如果懷孕媽媽感染咗,最嚴重可能會流產或者胎死腹中。

厚生勞動省指出,蘋果病主要係透過飛沫或者接觸傳染,患者大約喺出疹前一星期,會出現輕微發燒等類似感冒嘅症狀,呢個階段係傳染力最高嘅時期,所以病毒可能喺患者未察覺到嘅情況下已經擴大傳染,反而出現咗紅疹之後就幾乎冇傳染力。

日本國立傳染病研究所向外表示,喺上年10月開始蘋果病確診人數激增,至上年12月,喺呢短短嘅3個月內日本全國加埋增加咗26,400個病患者,係前年同期嘅9倍以上。觀察日本各都道府縣所有醫院嘅情況,以宮城縣、新潟縣、東京都同山梨縣疫情最嚴重,即係蘋果病正正喺東北地區同埋東京首都圈流行。

{adv here}

位於東京都江東區嘅兒科診所指出,上年一年入面感染蘋果病嘅病患者只係有個位數,但係最近4個月嚟已經有超過30個患者嚟睇醫生,其中大多數係幼稚園生至中學生,而且佢哋幾乎都係到咗出紅疹先嚟睇醫生。

一般嚟講,小朋友同大人感染咗蘋果病係冇危險性,通常經過適當嘅治療、休息充足就會好返,但係如果係懷孕媽媽感染咗,病毒好可能會透過胎盤感染到胎兒,最嚴重嘅情況可能會流產。根據厚生勞動省過去嘅調查,喺69個胎兒感染蘋果病嘅病例當中,有49個流產或者胎死腹中,機率超過七成。除此之外,蘋果病可能會導致本身有愛滋病、白血病等等免疫力低嘅患者,出現更加嚴重嘅貧血症狀。

 

資料來源:ETtoday

標籤:
發佈留言

發佈留言必須填寫的電子郵件地址不會公開。 必填欄位標示為 *