根據英國《每日郵報》嘅報導，女性喺選擇另一半嘅時候會不自覺咁用咗父親做參考「範本」，其實係有科學根據。過去已經有科學家已經證實咗，有啲動物會根據佢哋父母嘅外型去搵相似嘅伴侶，心理學學名係「積極性別印記」(positive sexual imprinting) 。
{adv here}
{adv here}
不過科學家發現，原來人類都會咁做。但影響人類選擇另一半嘅條件唔單止係父母嘅外型，仲有童年時同異性父母相處嘅經驗。心理學家亦都證實咗，童年同父親關係好嘅女性，喺成年之後會帶住呢啲「印記」，去揀選喺生理上同性格上都同自己父親相似嘅另一半。相反，如果由細到大同父親關係唔好嘅女性，長大後就會抗拒同父親相似嘅男性交往。
心理治療師Lizzie Falconer指出，人類第一個接觸嘅社會就係家庭，生活上每一件事都同父母有關，好自然會以佢哋為生活中嘅榜樣。「父親對於女兒未來婚姻生活嘅作用比想像中更加重要，佢哋點樣睇自己、期待同心儀嘅男性發展成點樣嘅關係，都同父親有密切嘅關係。」
{adv here}
Lizzie Falconer表示，其實呢個結論同佛洛依德（Sigmund Freud）嘅伊底帕斯情結（Oedipus complex）理論差唔多，小朋友渴望佢哋嘅異性父母，係佢哋心理發展嘅關鍵，大前提係佢哋有健康嘅親子關係。
科學家認為，揀一個同自己異性父母行為相似嘅另一半，係十分正常嘅事。底特律韋恩州立大學（Wayne State University）研究小組指出，所有物種會揀同自己遺傳相似嘅伴侶其實係繁衍後代嘅優勢。
資料來源：風向新聞
