【黃色沖涼鴨仔勁污糟！】鴨仔內藏大量細菌

幾十年嚟都咁受小朋友歡迎嘅陪沖涼黃色膠鴨仔，係好多人嘅童年回憶，但有冇諗過，可愛嘅鴨仔入面竟然係細菌溫床？一班瑞士同美國題嘅科學家研究發現，8成嘅沖涼塑膠玩具含有病原菌，提供咗一個細菌同真菌生長嘅理想環境，係細菌滋生嘅溫床！

嚟自瑞士聯邦水科學和技術研究所（EAWAG）、瑞士聯邦理工學院（Swiss Federal Polytechnic School）同美國伊利諾大學嘅研究人員，切開沖涼塑膠玩具後，發現玩具入面每平方厘米有500萬至7500萬個細胞。報告指出，研究中嘅所有玩具，有80%被驗出有含有可致病嘅細菌，包括軍團菌同綠膿桿菌。

{adv here}

研究指出，當熱洗澡水進入塑膠玩具入面，玩具會釋放出有機碳化合物，成為菌群滋生嘅營養物質。小朋友玩水時都鍾意擠出玩具入面嘅水射向其他人，微生物學家哈梅斯（Frederik Hammes）表示，咁做有可能導致眼、耳，甚至腸道受感染。

資料來源：星島日報

{adv here}