小朋友經常將「屎尿屁」掛喺口邊，越阻止佢，佢越講得起勁。
好多父母會喺小朋友面前將「痾屎」「痾尿」講成 “poo poo” 同 “wee wee”, 聽落有禮貌有家教好多吖嘛！但小朋友總係鍾意大庭廣眾大大聲講屎講尿，講完就自己笑到失晒控。每當小朋友語出驚人講「屎尿屁」，父母一般都會表現得反感，會立即阻止。
{adv here}
其實小朋友出現呢個情況好正常，係成長過程中一個非常常見嘅階段，稱為「污言穢語敏感期」，過咗呢個階段，佢哋會對呢啲詞語嘅興趣大大減低。如果小朋友每次講呢啲詞語，父母都表現得特別緊張，佢會覺得自己「得逞」，反而會好有成功感，仲講多兩句。所以父母唔適宜反應太強烈，唔俾反應或者輕描淡寫咁回應就得。
另外要注意，經常缺乏父母關注或有挫敗感嘅小朋友，最鍾意講「屎尿屁」，一方面，可以透過呢啲詞語引人注意；另一方面，佢哋深深感受到呢啲「污言穢語」比其他詞語更有威力，可以幫助佢哋更好表達同宣洩負面情緒。
家長們唔駛擔心，以平常心對待「屎尿屁」就得！
資料來源：每日頭條
{adv here}
