昨天跟大家分享過跟BB外遊的執行理清單，真係要帶多好多好多野呢！所以今日就同大家講講有甚麼用完即棄的物品，方便減磅買手信返香港嘛！
旅行裝奶粉 – 去旅行當然唔想帶住一大罐奶粉？除了選購獨立包裝的奶粉，也可以買旅行奶粉袋，倒入奶粉後再黏貼密封，食一餐開一包，衞生又慳位！
即棄式奶袋 – 奶樽方面可以選購旅行奶樽，包裝內備有即棄式奶袋，BB食飽後將奶袋丟棄，到下次開奶時使用新袋即可，媽媽就無需洗奶樽，非常方便！
即棄口水肩 – 小朋友的口水及食野時所留下的食物碎屑，旅遊在外都比較難清洗，又好難帶返屋企先洗，最好還是帶已經用舊了的口水肩及即棄式的。即棄式一樣有吸水表層與防水環保物料內層設計，可保持嬰兒清潔與乾爽。
嬰兒食品 – 把少量只要加熱或包裝好的嬰兒食品跟身，旅程中可能會遇上延誤，把少量嬰兒食品放在手提行李中，以防托運行李延遲到達，小朋友唔餓得嘛！
