新冠肺炎疫情全球爆發，世界各地紛紛出現廁紙搶購潮。英國有一名媽媽幾經辛苦先買到18卷廁紙，結果竟然被小朋友丢入浴缸浸爛晒，眼前嘅畫面令佢欲哭無淚，近日相片喺網上瘋傳。
{adv here}
{adv here}
居住喺漢普郡嘅Ed Cumming 較早前喺社交網站發佈咗呢名媽媽嘅慘況，相片入面見到，放滿水嘅浴缸入面除咗有好多玩具，仲有大量被浸到溶溶爛爛嘅廁紙，部分廁紙已經爛到呈現紙漿狀態，狀甚嘔心。
{adv here}
Cumming表示，遇到不幸嘅媽媽係佢朋友，小朋友沖涼時，竟然將媽媽珍而重之嘅廁紙變成廁紙漿，全數報銷。貼文獲得1.3萬人讚好，過千人分享，2百幾人留言。
資料來源：每日郵報
