美國一名36歲保母凱莉（Kellie Barthel）先前打電話叫救護車，向911接線員表示屋企有一名23個月大幼兒正喺流鼻血，但護理人員來到現場時就發現，現場滿佈血跡，並唔係流鼻血咁簡單，其實小女孩已經失去呼吸心跳，死因係頭骨骨折。
{adv here}
根據太陽報報導，事件發生喺密西根州（State of Michigan）嘅道格拉斯鎮，喺3月1日，凱莉帶住23個月大嘅韋達（Vayda）去買酒同埋入油，殊不知第二日早上大約5點半，凱莉嘅男朋友回到家發現傷痕累累嘅韋達已經冇咗呼吸心跳，同凱莉一齊瞓喺血跡斑斑嘅床上面。
{adv here}
救護人員表示，當時一入到屋就發現裡面多處滿佈血跡，滿身傷痕嘅韋達被扔到地上，屍體變得冰冷，推斷已經死亡一段時間。
{adv here}
緊急救護人員表示韋達應該係被當作出氣袋毆打，推斷凱莉酒後犯案。凱莉除咗被驗出有酒精反應之外，仲有冰毒殘留喺體內，但佢喺法庭上稱，韋達喺地上小便後佢好嬲，打咗小孩嘅背部5下，導致小孩跌親撞到頭。不過驗屍報告顯示，韋達嘅頭骨係因為反覆遭到撞擊而碎裂，明顯同佢嘅供詞不符。
資料來源：ETtoday
