Posted on Leave a comment
PT話題

【新冠肺炎】韓國最年輕患者27日大女嬰確診 病毒數量高達成人100倍

新冠肺炎疫情全球蔓延,韓國一名出生只有27日嘅初生嬰兒染病,成為韓國境內最年輕嘅確診個案,排出嘅病毒數量竟然係母親嘅100倍,引起關注。
{adv here}

根據韓聯社報導,3月8日 女嬰同媽媽雙雙確診,首爾特別市獵鷹醫院小兒青少年科醫療團隊推測係因為初生嬰兒免疫系統未成熟,面對病毒較為脆弱,所以體內嘅病毒數量都會比較多。
{adv here}

女嬰剛入院時只有37.6度輕微發燒及鼻塞症狀,一日後體溫上升到38.4度,持續2日發高燒,偶有嘔吐、咳嗽,幸好未出現呼吸困難,胸腔X光檢查狀況良好,治療過程冇使用過抗菌藥或者抗病毒藥物, 3月23日測試結果呈陰性,26日同媽媽一齊出院。

女嬰冇服用過任何特別藥物,幾乎只係靠食母乳痊癒。值得關注嘅係,喺病情最嚴重嘅時候,女嬰呼吸道同埋排泄物測出嘅病毒數量高達母親嘅100倍以上,而且母親嘅血液同埋小便都冇檢測到病毒,但女嬰嘅血液、大小便同埋唾液都檢測到病毒。
{adv here}

由於女嬰嘅大小便都檢測出病毒,為咗避免透過排泄物傳染,家長都需要注意衛生,但現時仲未確定大小便中嘅病毒是否有傳染力。

資料來源:ETtoday

標籤:
發表回覆

你的電郵地址並不會被公開。 必要欄位標記為 *