
新冠肺炎疫情持續擴散,雖然孕婦係高危一族,但疫情期間仍然需要進行定期產前檢查,要注意出入醫院必須配戴外科口罩、勤洗手、返到屋企立即換衫沖涼,時刻保持個人衛生保護自己。
{adv here}
1. 新冠肺炎會透過胎盤母嬰垂直感染嗎?
根據2020年2月喺醫學雜誌《The Lancet》發表嘅報告,記錄咗9名懷孕晚期新冠肺炎患者入院時嘅症狀同埋新生嬰兒狀態,研究團隊喺產婦分娩時抽取嘅羊水、臍帶血、新生嬰兒口咽表皮細胞以及母乳,都冇發現新型冠狀病毒嘅存在。但喺武漢兒童醫院2月5日確診嘅2宗新生嬰兒個案,2名患者嘅母親亦都已經確診,因此,專家推測有可能存在母嬰垂直感染傳播途徑。
{adv here}
2. 疑似或者未痊癒嘅確診患者可以餵母乳嗎?
雖然到目前為止,仲未發現新生嬰兒經母乳餵哺而受感染嘅病例,但新型冠狀病毒是否可以透過母乳傳播仍然係一個迷,所以如果產婦已確診新冠肺炎,新生嬰兒應該立即隔離觀察,唔可以餵哺母乳。
{adv here}
3. 新生嬰兒喺咩情況下需要進行檢查?
新生嬰兒新型冠狀病毒感染途徑主要有3個:母嬰垂直傳播、密切接觸傳播及飛沫傳播(家庭成員、家庭來訪者)、醫院內感染,所以符合以下任何一個條件嘅bb都需要進行檢查:
1. 產婦確診或高度疑似被感染
2. 產婦密切接觸家人確診或高度疑似被感染
3. 新生嬰兒出生後家庭照顧者確診或高度疑似被感染
資料來源:ETtoday