新冠肺炎疫情持續蔓延，如果小朋友只係有少少唔舒服，家長都會避免帶佢哋去睇醫生，減低受感染風險，但兒科醫生陳敬倫表示，遇到以下3個情況，一定要儘快睇醫生。
{adv here}
1. 6個月以下嬰兒
媽媽懷孕時會將免疫力透過胎盤傳俾胎兒，一般可以維持到bb出生後5~6個月大，加上大部分時間都喺屋企，比較少接觸病原，除非媽媽患上感冒傳染俾bb，否則6個月以下嘅嬰兒好少會發燒感冒。因此，如果佢哋發燒就建議儘快睇醫生，尤其係未夠3個月大嘅嬰兒，一旦發生細菌感染都會非常嚴重，需要作進一步檢查。
{adv here}
2. 6個月以上嬰兒
媽媽懷孕時傳俾胎兒嘅免疫力已經所剩無幾，加上接觸嘅人同埋病菌都多咗，所以各式各樣常見嘅感冒疾病都會開始出現，大部分都會不藥而癒。
需要注意嘅係，嬰兒較容易患上中耳炎、鼻竇炎、肺炎等併發症，如果bb退燒後精神依然差、發燒超過3日、原因不明嘅哭鬧、症狀嚴重影響睡眠食慾等，就建議搵醫生檢查。
{adv here}
3. 腸病毒、腸胃炎
如果懷疑小朋友患有腸胃炎，症狀較為嚴重嘅話都需要立即就醫。
資料來源：ETtoday
