隨著天氣越嚟越熱，蚊嘅活動溫度喺22度至31度之間，最旺盛嘅吸血時期就係26度至31度，超過35度就會停止活動，所以春末初夏係最危險嘅時期。如果受唔住市面上嘅防蚊噴霧嗰陣味，或者擔心蚊香同埋防蚊產品嘅化學成份對人體有害，就不如試吓自製咖啡渣香薰！另外仲有防蚊蟲嘅天竺葵盆栽同埋用丁香自製天然防蚊液！
{adv here}
{adv here}
3招天然防蚊法
1. 咖啡渣
美國環境保護署指出，蚊蟲都好討厭咖啡香味，係屋企附近灑上乾咗嘅咖啡渣，就可以預防蚊蟲入侵。而日本生活情報網站TABI LABO分享咗天然又簡單嘅咖啡蚊香做法，可取代普通蚊香。
咖啡蚊香做法：
STEP 1. 將用過嘅咖啡渣收集，充分風乾，放置陰涼處。
STEP 2. 注意唔好俾幼童同寵物接觸到，用小容器皿裝住咖啡渣。
STEP 3. 點火燃燒咖啡渣。燃燒嘅煙霧有效驅蚊 。
2. 驅蟲香草
日本健康專欄作家Poco表示，如果家裡有幼童，唔想用殺蟲劑同埋防蚊噴霧，可以放置有驅蚊效果嘅盆栽。
天竺葵係顏色鮮豔繽紛嘅觀賞植物，又有防蚊草嘅稱號。天竺葵嘅氣味相當好聞，但蚊就好討厭呢種氣味。喺歐洲天竺葵甚至可以代替紗窗，防止蚊蟲入屋，而且好常見。另外檸檬香茅、除蟲菊、胡椒薄荷嘅盆栽都有驅蚊蟲嘅效果。
3. 自製天然防蚊液
日本芳香療法專家中野智美表示，丁香有一種獨特強烈氣味嘅香辛料，蚊同埋曱甴都唔鍾意呢種味道。日本生活情報網站locari介紹咗一款自製天然防蚊液，由於丁香氣味濃烈，就算戶外使用都可以充分發揮效果。
{adv here}
天然防蚊液做法
材料：
丁香 100g
酒精（或者酒精濃度高伏特加、日本酒皆可）500ml
油（bb油、橄欖油）100ml
做法：將酒精同埋丁香放入空樽，浸三日三夜，等丁香嘅有效成分充分釋放出嚟，再混合橄欖油或者BB油就完成。
用法：用手指取出自製防蚊液，搽一至兩滴喺手腕同埋腳踭，就可以有效防蚊。
資料來源：早安健康
