陳浩民五年抱成為圈中多仔公，佢同太太蔣麗莎嘅第四胎囡囡今年3月30號出世，之前一晚陳浩民仲陪老婆到醫院準備翌日開刀生B女，其間更拍下疑似為太太產前剃恥毛的相片。陳浩民就此事以Wechat回覆媒體：「尺度大唔大膽其實見仁見智，當然，未生過嘅朋友見到可能會嚇一跳，但對於過來人嚟講只係碎料啫。其實我同老婆嘅原意係想提醒各位準備生嘅朋友記得將呢啲美麗時光記錄落嚟，絕無賣弄之意。微博發出之後好多網友被感動落淚，最好笑的是更有人被老婆投訴點解當時冇幫對方剃。」蔣麗莎都話:「每個女人生孩子，都需要剃毛……很多人都是讓護士代勞，第四胎生bb是老公親上陣，超級好奶爸…」
陳氏夫婦將如此感動時刻珍貴圖集公開，其他媽媽又會點睇呢？在熱門親子討論區當然有媽媽討論，大部份媽媽都把討論重點放在「真的要剃嗎？」
A話：「拿拿拿，唔該唔好話「每個女人生仔都要剃」囉，我冇睇過喎」
B話：「我都冇，我生兩個都冇，唔明點解要剃」
C答：「我係私家開刀真係有剃，因為開刀個位好低」
有媽媽指出原來因為私家醫院開刀係開得比較低，在比堅尼位附近，所以係要剃少少。
雖然係部份媽媽需要，但唔少媽媽都覺得呢個行為太私隱，無必要同大眾分享。A意見：「2兩公婆做d咩，閉上門冇人會理你，但唔駛咩野都post上網囉」B意見：「真係太作狀，留番自己紀念比較有意義d，畀人睇就太眼冤，不過咁假留念黎做咩，成件事唔make sense，扮陣痛嗰度笑左」都無咩支持佢地分享溫馨時刻嘅聲音，但都有媽媽認為陳太蔣麗莎陀B身型都 Keep到，係幾難得嘅。
