幼兒睇電視壞處多? 影響親子關係 易變肥仔肥妹

親子關係疏離

幼兒用太多時間睇電視會大幅減少同家人嘅互動。研究發現,睇電視會令家庭減少80% 以上嘅語言溝通。雖然有啲父母會陪子女一齊睇電視,但呢個時候父母多數自己都休息緊,甚少同小朋友互動,處於「人在心不在」嘅狀態,不但無法促進小朋友嘅身心成長,反而會錯過咗子女嘅重要發展階段,浪費寶貴嘅親子時光。


運動量不足

肥胖兒童人口喺世界各地都有上升趨勢,電視同埋垃圾食物難辭其咎。長期睇電視嘅小朋友運動不足,容易肥胖、懶散。研究證實,肥胖兒童當中有10% 係疾病引起,10%係遺傳,其餘嘅80%屬於單純性肥胖,而呢啲小朋友其中一個共通點就係鍾意睇電視。如果小朋友長時間睇電視,就會相對減少咗花費喺其他活動嘅時間。

有啲父母會提供教學影片畀小朋友睇,誤以為呢啲影片對子女嘅大腦發展有好處。研究指出,2歲以下嘅小朋友,無論觀看邊種教學影片,都無法令佢哋變得更聰明,反而增加咗上述所提及嘅不良影響。大多數研究結果都建議,3歲以上嘅幼兒先可以睇電視,每日不多於一小時。


資料來源:優活健康網

 

相關文章