BB黐工人姐姐唔黐自己?別錯過孩子依戀期!

依戀,一般被定義為幼兒同佢嘅照顧者之間嘅一種特殊感情關係。依戀主要分為4個階段:前依戀期、依戀建立期、依戀關係明確期、目的協調的夥伴關係。

0~6周:前依戀期
呢個時期bb對任何人都會出現相似嘅行為,並無任何選擇性。

6周~8個月:依戀關係建立期
bb會對照顧者報以微笑,並特別願意同佢哋接近。喺呢個階段,bb仍然能夠接受同較陌生嘅人親近,亦都可以忍耐同照顧者分離。

8~24個月:依戀關係明確期
呢個時期嘅bb,會更加依賴最親近嘅人,當照顧者離開時,就會大吵大鬧作出明顯嘅反抗。

24個月以上:目的協調的夥伴關係
隨著幼兒嘅理解能力提升,能夠明白照顧者嘅離開只係短暫嘅分離,係安全嘅,唔會再因為照顧者嘅離開而哭鬧。

8個月大之前,bb嘅依戀主要係以被動為主,只要見到最親近嘅人喺佢身邊,佢就會感到安全,心裡面會產生愉悅嘅感覺。

到咗8個月大,佢嘅依戀關係會變得更主動,而呢個時期嘅依戀主要來自過去8個月累積落嚟嘅印象,佢會主動去尋求照顧者嘅呵護同埋擁抱。

因此,喺bb 1歲之前,儘量多啲陪伴佢、抱抱佢,令小朋嘅依戀心理穩定而持久。


資料來源:每日頭條

相關文章