73歲禽獸老翁性侵6名寄養兒童 一張「秘密紙條」揭發事件!

澳洲柏斯一名73歲老翁喺過去3年多次對自己領養嘅6個小朋友進行性侵同性虐待,當中一名8歲嘅受害女童事後寫低令社工痛心嘅紙條「當我被愛我會覺得好安心,但被爺爺硬上我真係好難過。」

根據英國《每日郵報》報導,73歲嘅Desmond Gore由2007年到2010年陸續收養咗6個小朋友,其中有三個八歲女童不斷受到老伯嘅侵犯,除咗強姦,仲對佢地性虐待,只要老伯嘅太太唔喺屋企,呢班小朋友就會變成性奴。

受害小朋友當中,有人只係啱啱嚟咗一個月就已經被老伯侵犯,直至社工喺其中一個女童日記搵到紙條,「當我被愛我會覺得好安心,但被爺爺硬上我真係好難過。」事件先被揭發。

警方介入調查發現,係呢3年期間,全部寄養到Gore屋企嘅小朋友都無一倖免,Gore仲係警方面前解釋「呢啲小朋友都係為咗錢先誣衊我,我對小朋友冇興趣。」

警方同社工用咗好多時間同方法先能夠成功誘導受害兒童講出遭遇,經過8日聆訊,Gore被判處20項罪名成立,監禁15年4個月。

 

資料來源:ETtoday

相關文章