22歲賤男唔想做爸爸 迫17歲懷孕女友飲「洗衣粉水」墮胎!

英國倫敦西北部哈爾斯登(Harlesden)日前發生一單殘忍嘅案件。一位男子知道女朋友懷孕,兩個人對於墮胎定係生出來達成唔到共識,竟然叫自己親戚同朋友計劃將洗衣粉水倒入女朋友喉嚨嘗試令佢流產,好彩最後胎兒安然無恙。

根據英國《每日郵報》報導,22歲Harief Pearson知道17歲嘅女朋友懷孕之後並無因為要成為爸爸而感到開心,男方因為唔想要個BB,就叫自己表弟Kydie McKenna同埋一名15歲女生諗辦法令到女朋友流產。

結果3人將Pearson嘅女朋友囚禁,向佢懷孕嘅肚拳打腳踢,甚至扯甩一隻手指嘅指甲,將酒倒落佢塊面。當女朋友要求飲水嘅時候,Pearson竟然強迫佢飲洗衣粉水,嘗試令佢流產。

直到Pearson察覺媽媽就嚟返屋企,三人先將受害女子趕走,女子報警後警方隨後上門拉人。根據警方調查,發現Pearson曾經喺電話搜尋「海洛英對胎兒有從什麼影響」、「如何擺脫意外懷孕」等等問題。警方亦表示, BB冇受到傷害真係好好彩。

檢方表示,用呢種惡毒嘅方式攻擊孕婦同BB係相當過分嘅行為。聆訊後會喺七月公布三人最終判刑結果。

 

資料來源:ETtoday

相關文章