2歲女童誤吞14粒磁石 導致腸壞死穿5個窿!

江西省鹰潭市一名2歲女童近日突然嘔吐,由於送到當地醫院治療之後都冇好轉,所以轉到江西省兒童醫院,手術後發現腸入面穿咗5個窿,並呈黑色已經壞死,原來係因為佢吞咗14粒磁石,取出磁石後已經脫離危險期。

醫生表示,手術過程發現女童腸穿窿,而且由穿窿位置取出一串金屬物,進一步檢查發現,金屬物其實係磁石,一共14粒小磁珠,每粒直徑約2mm,因為磁石互相吸引夾住腸組織,經過一段時間後導致壞死造成腸穿窿。

女童父母知道真相之後好驚訝,完全唔知女兒幾時吞咗磁石落肚,後來轉入兒童加護病房進一步檢查,而家已經冇生命危險。醫生提醒,誤吞磁石除咗有可能導致腸穿窿,仲可能會引發腸梗塞、腸粘連、腹膜炎甚至感染性休克等,家長要加強對幼兒嘅照顧,避免吞食細小物件發生意外。

 

資料來源:ETtoday

相關文章