診所搞錯晒!亞裔夫婦人工受孕生出非亞裔BB 懷胎10月的寶寶竟然是別人的

美國紐約一對亞裔夫妻因為不孕問題,專登走到洛杉磯一間生育診所用咗十萬美金進行治療,最後雖然成功受孕,但生出來竟然完全冇亞洲血統,而且性別同原先所講嘅唔同,最後證實植入咗其他人嘅胚胎,辛苦生出來嘅BB其實同佢哋一啲血緣關係都冇。

根據《紐約郵報》報導,居住喺紐約法拉盛區嘅亞裔夫婦,由2012年結婚後一直都冇懷孕,所以喺2018年1月去到洛杉磯一間出名嘅診所CHA Fertility Center求診,呢間診所號稱已經完成來自南加州同22個國家父母嘅夢想,進行幾個月嘅治療後,係同年七月首次植入胚胎,但係都係唔成功,直到九月終於成功懷孕。

如願懷上雙胞胎令呢對夫妻十分開心,喺產檢嘅時候發現雙胞胎係男嬰,同醫生之前所承諾「植入胚胎係女嬰」嘅講法唔同,但係醫院以超聲波未必100%正確為理由,叫佢哋唔使太擔心。

呢對夫婦控訴雙胞胎喺今年三月出世後確認係男嬰,而且冇亞裔血統,之後佢哋去咗紐約進行DNA測試,發現雙胞胎唔單止同佢哋冇血緣關係,而且兩個都係嚟自唔同嘅父母,最後只可以將自己十月懷胎生出來嘅BB還返比真正嘅父母,但係就永遠唔知道自己受精卵所產出嘅女兒喺邊度,呢個結果令佢哋好傷心,到而家都冇勇氣將實情話畀親戚知。

 

資料來源:ETtoday

相關文章