【武漢肺炎】最新研究:男性風險比女性高 最先死亡2名患者有長期吸煙習慣

頂級醫學雜誌《刺針》(The Lancet)針對武漢肺炎進行嘅一項研究發現,最先死亡嘅2名患者有長期吸煙習慣,患者當中男性嘅比例佔68%,患者嘅年齡中位數為55.5歲。

《刺針》嘅研究由武漢市金銀潭醫院、上海交通大學醫學院附屬瑞金醫院、中科院武漢病毒研究所嘅一線臨床工作者同專家合作進行,涉及樣本為2020年1月1日至1月20日喺武漢金銀潭醫院嘅患者。

分析嘅病例當中,男性有67名,佔比68%,而年齡中位數係55.5歲。

截至1月25日,99名患者當中,31名(31%)患者出院,11名(11%)患者死亡,其他病人仍然留院。最先死亡嘅2名患者,係61歲男性(患者1)及69歲男性(患者2),佢哋並無慢性疾病,但有長期吸煙習慣。

論文指出,MERS-CoV和SARS-CoV都被發現感染男性多於女性。女性冇咁容易受感染,可能係由於X染色體同埋女性荷爾蒙嘅保護,喺先天免疫同埋適應性免疫方面都起到作用。

研究顯示,99名患者當中,有50名患者同時患有心血管疾病、內分泌系統疾病、消化系統疾病、呼吸系統疾病、惡性腫瘤、神經系統疾病等慢性疾病,佔大約51%。

研究團隊亦都分析咗99名患者嘅常見症狀。數據顯示,有83%患者出現發燒,82%患者有咳嗽症狀。其他特徵相對比較少見,包括有31%患者出現了呼吸急促,11%患者出現肌肉疼痛,而剩餘嘅症狀,所佔嘅比率唔超過10%,例如疲倦(9%)、頭痛(8%)、喉嚨痛(5%)、流鼻水(4%)、胸痛(2%)、腹瀉(2%)、噁心嘔吐(1%)。其中90%患者唔止出現一種症狀。

之前嘅研究數據顯示,SARS-CoV嘅死亡率超過10%,MERS-CoV嘅死亡率超過35%,而喺呢項研究嘅數據截止時,99名2019-nCoV患者嘅死亡率係11%。


資料來源:ETtoday

相關文章