【武漢肺炎】美國、澳洲研究團隊加快研發疫苗 有望今年秋季研發成功

新冠肺炎持續蔓延,各國嘅科學家都正在加緊速度研發疫苗。過往研發一款疫苗可能要用上10年甚至更長嘅時間,由於基因技術進步,可以大幅縮短疫苗研發嘅時間,科學家表示,疫苗有望喺今年秋天研發成功。

美國費城威斯塔研究所(Wistar Institute)疫苗和免疫治療中心主任韋納(David Weiner)表示,目前疫苗的確實係防止傳染疾病嘅最有效工具,而過往研發同製作疫苗需要好長時間,因為科學家必須喺實驗室中分離、培養病毒,但現在嘅基因技術可以完全跳過呢個步驟,直接透過病毒嘅基因序列來製造疫苗。

韋納表示,之前MERS爆發時,團隊喺11個月內成功開發疫苗,並進行臨床實驗,希望新冠病毒嘅研發時間可以縮短至少一半。

澳洲昆士蘭大學(University of Queensland)化學與分子生物科學院資深研究員查佩爾(Keith Chappell)就表示,佢哋嘅目標係喺16周內完成開發同埋實驗。

目前美國同埋澳洲嘅研究團隊會同美國藥廠Inovio合作,透過「流行病防範創新聯盟」(Coalition for Epidemic Preparedness Innovations,CEPI)獲得經費支持。CEPI執行長哈切特(Richard Hatchett)表示,本來就應該有國際性嘅組織開發流行病疫苗,因為即使喺最量產嘅情況下,仍然要花好多時間先可以將疫苗送到有需要嘅人手上。

另外,倫敦帝國理工學院(Imperial College London)研究團隊已經開發出一種喺動物身上試驗過嘅疫苗,而中國科研團隊就宣布,疫苗最快今年4月會進行人體臨床試驗。

哈切特表示,「所有研究團隊都好努力,希望可以喺今年秋天研發成功。」


資料來源:ETtoday

相關文章