媽媽怒掉女兒入浴缸浸死 只因2歲女兒尿床

一名美國28歲華裔媽媽李琳(Lin Li)2月26日被法院判處18年有期徒刑,佢喺2016年將年僅2歲嘅親生女兒Melody Zheng掉入浴缸溺斃,原因係女兒尿床。

綜合外國傳媒報導,李琳去年就被判過失殺人罪名成立,喺佢浸死女兒嘅前一晚,仲曾經毆打兒子頭部並壓進水裡,行徑令人髮指。據了解,李琳當時因為女兒尿床而動怒,將女兒掉入放滿水嘅浴缸入面,直到佢溺斃停止掙扎為止。

法官Deborah Dowling喺庭上表示,被告(李琳)有責任照顧孩子,確保孩子嘅人身安全,但選擇用危險方式來管教,導致親生女兒身亡。法院嘅判決內容亦指出,喺兒子年滿16歲前,李琳都唔可以同佢有任何接觸。李琳得知判決後表示,自己將永遠活喺悔恨之中。


資料來源:ETtoday

相關文章