吹氣城堡突然爆炸!3歲女童被拋至6米高頭部落地慘死

英國諾福克(Norfolk)發生咗一宗可怕意外,一名3歲女童Ava-May同家人去到一個喺沙灘舉行嘅嘉年華,阿姨Abbie同佢好朋友Beth帶女童去玩充氣城堡時突然發生爆炸,女童被拋到6米高空中,之後頭部落地,送醫後證實不治。


綜合外國傳媒報導,Beth表示,當時聽到一聲巨響,抬頭就見到女童被拋起然後喺空中翻轉。一名遊樂場工作人員試圖張開雙臂接住Ava-May,但唔成功。

阿姨Abbie表示,佢事前有留意到吹氣城堡嘅兩側似乎非常「僵硬」,但就冇為意,冇諗過後來會發生爆炸。醫護人員趕到現場之前,Beth試圖幫Ava-May進行心肺復甦法,但女童送院後,仍因頭部重創不幸身亡。意外發生時,另一名同Ava-May年齡相約嘅小朋友都喺吹氣城堡上,最後平安無事。據了解,調查單位仲未查明爆炸原因。


資料來源:ETtoday

相關文章