媽媽不滿2歲女兒弄碎麵包 怒塞麵包入女兒口中致鯁喉窒息亡

俄羅斯鄂木斯克一名28歲媽媽,因為不滿女兒將麵包整碎,一怒之下竟將剩下嘅半塊麵包塞入女兒口中,導致女童鯁喉引致窒息死亡,而女童嘅4歲哥哥當時喺旁邊目睹案發經過。母親殺害女兒之後,同佢男朋友合力將女兒屍體放入布袋棄屍郊外。

根據英國《每日郵報》報導,28歲嘅米洛耶娃(Svetlana Mirzoeva)當時見到女童鯁喉都無法冷靜落嚟,冷眼睇住自己女兒掙扎到斷氣無動作。事後米洛耶娃知道已鑄成大錯,試圖幫女兒做人工呼吸、灌水軟化麵包,但已經為時已晚。佢殺死女兒之後,仲搵埋男朋友特列季科夫(Alexey Tretyakov)幫忙將女兒屍體放入一個大布袋,並且帶到偏遠嘅地方棄掉。

案發當晚,有鄰居目睹米洛耶娃嘅情緒相當激動,之後幾日鄰居都發現唔到女童嘅蹤影覺得有可疑,並開口問米洛耶娃,佢表示「一切都係特列季科夫造成」。直到米洛耶娃被捕時,佢仲聲淚俱下咁表示,「我救唔到我嘅小公主」,但警方將佢帶返案發現場模擬案發經過時,仍然為呢位母親嘅殘暴而感到震驚。

案發10日後,特列季科夫因酒精中毒死亡。警方調查後發現,米洛耶娃喺犯案前曾經飲咗幾杯酒,特列季科夫同樣都豪飲咗幾杯。目前4歲兒子被送到孤兒院照顧,案件將擇日判刑。


資料來源:ETtoday

相關文章