【好玩唔玩】媽媽撲到18卷廁紙 被小朋友丢入浴缸浸爛變廁紙漿!

新冠肺炎疫情全球爆發,世界各地紛紛出現廁紙搶購潮。英國有一名媽媽幾經辛苦先買到18卷廁紙,結果竟然被小朋友丢入浴缸浸爛晒,眼前嘅畫面令佢欲哭無淚,近日相片喺網上瘋傳。


居住喺漢普郡嘅Ed Cumming 較早前喺社交網站發佈咗呢名媽媽嘅慘況,相片入面見到,放滿水嘅浴缸入面除咗有好多玩具,仲有大量被浸到溶溶爛爛嘅廁紙,部分廁紙已經爛到呈現紙漿狀態,狀甚嘔心。

Cumming表示,遇到不幸嘅媽媽係佢朋友,小朋友沖涼時,竟然將媽媽珍而重之嘅廁紙變成廁紙漿,全數報銷。貼文獲得1.3萬人讚好,過千人分享,2百幾人留言。


資料來源:每日郵報

相關文章