懷孕9個月搶廁紙突然穿羊水 超市內45分鐘順利生B

新冠肺炎(COVID-19)疫情嚴峻,美國都出現市民去超市搶購物資嘅情況,密蘇里州一名臨盆在即嘅孕媽去超市搶購廁紙時突然穿羊水,店方緊急向消防求助,並用床單阻擋人群,最後順利誕下寶寶。


事件喺19日發生喺當地一間連鎖超市Walmart,一名懷孕9個月嘅孕婦因為疫情嘅關係,即使臨盆在即都不顧一切去搶購廁紙,結果喺擺放廁紙嘅貨架旁生產。超市經理Jessica Hinkle表示,當女子話佢知穿咗羊水,佢立即舉起床單阻擋人群,而當時有一名店內顧客剛好係護士,喺呢名護士同埋消防員嘅協助下,45分鐘後bb順利出世。生產期間幾乎店內所有顧客都幫忙加油,bb出世嗰一刻所有人都歡呼。

因為想保護當事人嘅身份,所以冇對外透露女子姓名以及相關資訊,不過Hinkle話,事後佢有同對方聯絡,媽媽同bb嘅情況一切安好。

美國疫情持續爆發,目前確診人數已達5.3萬宗,696人死亡,單日死亡人數高達163人,創下目前單日死亡人數最高紀錄。


資料來源:ETtoday

相關文章