電話電腦最傷眼?影響子女視力4大因素

導致子女近視嘅原因有好多,電視同埋電子產品只係其中一個因素,仲有四大因素會影響佢哋嘅視力。

1. 遺傳因素
近視分為先天同埋後天,可能大部份人都以為近視只係後天造成,就好似唔正確嘅坐姿同埋用眼過度等等,其實少部份子女嘅近視可能由父母影響,如果父母都有近視,子女嘅近視機率就有三分之一。

2. 環境影響

除咗遺傳,生活環境因素都有好重要嘅影響。外國科學家做過一個統計,兩歲前嘅小朋友如果瞓覺過程開着夜燈嘅話近視嘅比例比起唔開燈嘅高1.24倍,開着大燈瞓覺近視就會高出1.45倍,舉個例,我哋直視太陽或者強光都會好容易令眼睛受損,而小朋友瞓覺嘅時候雖然瞌埋眼,但光源都會穿過眼皮對子女眼睛造成影響。

3. 糖分攝入過多

其實攝取過多糖份唔單止傷害牙齒,對視力都有一定影響。過多糖份進入人體後,首先會被脾胃吸收,造成我哋所講嘅脾胃虛弱,喺分解糖份嘅過程中,會消耗人體大量維他命B,導致體內鈣含量減少。所以,子女脾胃唔好同埋缺乏維他命B,就會導致視神經出現障礙,影響視力。

4. 缺乏運動

現今社會電子產品一應俱全,越來越多小朋友愛上電子產品,本應出外做運動同埋放電嘅時間就變咗留喺屋企玩手機同平板電腦,時間長咗自然會近視。所以,適量嘅戶外運動可以強身健體,而且自然光線唔同電子產品嘅光線,可以刺激小朋友眼睛,增強眼睛嘅收放能力,同時促進視網膜發育,有預防近視作用。

 

資料來源:壹讀

相關文章