【武漢肺炎】專家:戴手套比戴口罩更重要 口罩戴錯隨時變細菌溫床

美國科學記者LAURIE GARRETT曾對伊波拉病毒同埋SARS有深入研究,佢喺《Foreign Policy》撰文表示,「戴手套」、「不用手觸摸臉或眼睛」有時比戴口罩更重要。

LAURIE表示,喺任何公共場合都唔應該除手套,而且要每日更換手套同埋勤洗手。更重要嘅係,千萬唔好用手觸摸臉或眼睛,戴手套前手指都要注意清潔。

LAURIE指出,喺戶外配戴口罩嘅用處不大,大部分口罩被使用一兩次之後就已經受污染,「重複戴同一個口罩比唔戴口罩更污糟」,因為口鼻呼出嘅細菌,可能會令口罩變成細菌溫床。

居家衛生習慣方面,LAURIE強調要小心門把手、枱面,特別係常用嘅電子產品,例如手機、鍵盤、滑鼠等,都係經常被觸碰嘅物品,使用後千萬唔好觸摸臉或眼睛。

最後,LAURIE提醒大家,「必須假設口罩已被病毒覆蓋,戴上乳膠手套先將佢除落嚟,並放入可丟棄嘅包裝袋入面,先可以放入垃圾桶」。

LAURIE GARRETT係公共衛生專家,曾經喺柏克萊細菌與免疫學系攻讀博士學位,後來進入新聞領域從事相關報導,喺1996年獲得普立茲新聞獎( Pulitzer Prize)。

資料來源:ETtoday

相關文章