《武漢肺炎》口罩唔係萬能!洗手係第一道防線 6招預防武漢肺炎

《衛報》指出,2019新型冠狀病毒有可能喺患者咳嗽或者打噴嚏時傳染,而洗手就係避免感染嘅第一道防線。

新型冠狀病毒如何傳播?

科學家目前仍然評估緊武漢肺炎如何人傳人,但類似嘅病毒往往透過咳嗽同打噴嚏嘅飛沫傳染。

患者嘅飛沫有可能依附喺附近嘅人身上,亦有可能被直接吸入,或者停留喺其他人手上。當呢啲人用沾有患者飛沫嘅手觸摸自己面部,就會因此被感染。根據部分醫院嘅流感指引,患者打噴嚏或咳嗽嘅10分鐘內或更長時間後與其接觸範圍在1.8米以內者都有可能被傳染。

此外,患者嘅飛沫亦有可能依附喺交通工具或學校、職場。但呢個是否成為病毒嘅主要傳播途徑就取決於病毒喺物件表面嘅可存活時間,從幾小時到幾個月不等。

有證據顯示,武漢肺炎有可能喺患者出現症狀前就開始傳播人,但目前仲未清楚武漢肺炎病毒嘅傳染程度。

如何保護自己及他人?

● 首先要正確洗手,以乾淨嘅自來水沖洗後,將肥皂或潔手液塗抹喺手指間、指甲縫同手背,搓洗至少20秒後沖水。

● 咳嗽或打噴嚏時以紙巾蓋住口鼻,再將紙巾丟棄,然後洗手。如果手上沒有紙巾,就應該對著手肘部位咳嗽或打噴嚏,而唔係對著手掌。

● 口罩的確起到一定嘅保護作用,可以阻擋液狀飛沫,但不能阻擋更細小嘅氣膠粒子穿透口罩布料。有證據指出,部分病毒可以透過眼睛入侵,戴眼鏡都可以幫助阻擋飛沫。

● 出現發燒、咳嗽及呼吸困難症狀者應盡早求醫,並將自己嘅旅遊記錄告知醫護人員。

● 前往受影響地區嘅野味市場時,應避免直接接觸活動物及觸摸動物表面。若身處受影響地區,則應避免食用生或未煮熟嘅畜產品。處理生肉、牛奶或動物器官時都要特別小心,避免交叉感染。

● 如果過去2周內曾到訪中國疫區,請自我隔離14日,即唔可以返工、返學或去公共場所。


資料來源:ETtoday

相關文章