《武漢肺炎》新型冠狀病毒傳播超越SARS 武漢肺炎傳播率高4大原因 比SARS更「狡猾」!

根據官方公布嘅數字,新型冠狀病毒嘅確診個案、疑似個案目前已大幅超過SARS,究竟係咩原因呢?專家指出以下4點:

1. 新型冠狀病毒開始流行嘅時候,大家都對呢種新型疾病認識不足,忽略咗可以人傳人嘅風險,導致疫情擴散。

2. 新型冠狀病毒會出現潛伏期感染同埋無症狀或輕微症狀嘅感染患者,容易漏診,係疫情防控嘅最大挑戰。

3. 傳播途徑方面,原本僅僅關注飛沫傳播同埋接觸傳播,但從目前嘅情況來睇,可經糞便傳播,空氣傳播嘅可能性都非常大。

4. 新型冠狀病毒作為一種新嘅疾病,人群普遍對佢冇免疫力,導致病毒所向披靡。

不過專家指出,新型冠狀病毒雖然感染人數多,死亡人數都超過當年SARS,但截至目前為止,全國確診個案嘅死亡率係2.1%左右,死亡患者主要集中喺疫情源頭湖北省,而當年SARS嘅死亡率接近10%,MERS (中東呼吸綜合症) 更高達30%。數據顯示,感染新型冠狀病毒嘅死亡率並唔高。

至於新型冠狀病毒比SARS更為「狡猾」嘅說法,專家表示,主要係由於人們對佢唔夠認識,例如潛伏期患者或無症狀患者嘅感染性、某啲患者特別係重症患者嘅持續排毒時間較長等,都係佢嘅「狡猾」同「詭異」之處。希望透過臨床治療同埋科學研究,加深對新型冠狀病毒嘅認識,慢慢揭開佢嘅神秘面紗。


資料來源:ETtoday

相關文章