【武漢肺炎】小朋友冇咁容易受感染?兒童有可能出現「無癥狀感染」

根據The New York Times嘅報導, SARS、MERS同埋新冠肺炎嘅個案當中,好少出現兒童病例。喺2012年阿拉伯同埋2015年韓國爆發嘅MERS疫情,奪走咗八百幾條人命,但大多數被感染嘅兒童並冇出現症狀,亦冇出現死亡病例。至於SARS嘅八千個感染案例,只有135名係兒童。

武漢肺炎患者平均年齡大約49-56歲,根據現有統計數字顯示,似乎好少兒童有嚴重症狀。根據世界衛生組織嘅資料,約80%嘅新冠肺炎死者係60歲以上嘅患者。

香港大學病毒系主任Malik Peiris博士認為,根據科學上嘅推測,受感染兒童嘅症狀相當輕微,認為未來唔會有兒童病患案例增加。有科學家指出,之所以冇數據顯示有更多兒童受感染,係因為「我們沒有關於輕症病例的數據」。

受感染兒童嘅肺部有武漢肺炎病毒侵入嘅跡象,但外在就冇症狀,有國際專家懷疑大多數兒童感染都係「無症狀」。同流感一樣,通常兒童死亡案例都相對地少。成年人更易感染,因為佢哋往往患有其他疾病,例如糖尿病、高血壓或者心臟病,呢啲疾病都會削弱佢哋抵禦感染嘅能力。

其實病毒喺兒童當中只會引發輕度感染,而成人就嚴重得多嘅情況並唔罕見。例如,水痘喺兒童身上基本上係小問題,但發生喺成年人身上就係災難性。

耶魯大學醫學院傳染病學副教授Richard Martinello表示,從現時嘅統計來睇,雖然我哋唔清楚原因,但似乎的確影響成年人為主,亦有可能係因為報告都係來自成人醫院,仲未見到兒童醫院嘅數據。


資料來源:Genet

相關文章