產後上奶食乜好? 2款花生催奶食譜推介!

花生營養價值極高,好多人都話花生係長壽果,而且花生有好好嘅催奶養血功效,媽媽們不妨試試。

花生含有豐富嘅蛋白質、脂肪、維他命A、鈣、鎂、鐵、硒等多種營養物質,非常適合產後媽媽調理身體同埋上奶。

花生有健脾胃、通乳作用,花生嘅蛋白質、維他命C同鐵質可以幫助媽媽補血同埋舒緩貧血,特別係花生嘅紅外衣,一齊食用效果會更好。


花生要點食先有營養?

花生燉嚟食係最好,唔會破壞花生營養,容易消化吸收,適合產後脾胃功能唔好嘅媽媽。

好多人食花生嘅時候都會去外皮,但花生嘅外皮營養價值好高。花生配搭豬腳豬手對催乳、滋潤皮膚效果更好。


食花生禁忌

花生屬於堅果,有較高蛋白質、脂肪,如果唔燉嚟食就好難消化,增加媽媽腸胃負擔,對產後恢復不利。花生唔可以同青瓜、蟹一齊食,因為容易引起肚瀉。


2款花生催奶食譜推介

花生紅棗粥

食材:大米159g、花生100g、紅棗3個,紅糖

製作方法:

1. 將花生、大米洗凈,用溫水浸泡1個鐘。

2. 鍋中放入適量水,放入花生、大米,大火煮滾後改為小火。

3. 放入紅棗,再煮多10分鐘,最後放入紅糖。

呢款粥唔單止可以催乳,仲可以補充胎兒發展所需嘅胺基酸。

花生紅豆糖水

食材:紅豆50克、花生50克、桂花糖5克

做法:

1. 將紅豆、花生洗凈,用溫水浸泡2小時。

2. 鍋中放入適量水,放入紅豆、花生,大火煮沸。

3. 改為小火,慢熬1小時,放入桂花糖即可。

呢款糖水有好好嘅行氣活血,催乳效果,仲可以幫媽媽排出體內多餘水份。

 

資料來源:每日頭條

相關文章