生B祝賀詞 你識幾多句?「弄璋」、「弄瓦」係咩意思?

想祝賀人家生咗bb,除咗講句「恭喜晒」之外,大家又會諗到咩恭賀說話呢?睇睇下面嘅用語你聽過未啦!

賀生仔:
天賜石麟 弄璋誌喜 德門生輝 熊夢徵祥

賀生女:
明珠入手 弄瓦徵祥 輝增彩悅 緣鳳新雛

賀生雙胞胎:
雙芝競秀 玉樹聯芬 花萼欣榮

賀抱孫:
孫枝啟秀 蘭階添喜 玉筍呈祥


「弄璋」、「弄瓦」係咩意思?

生仔叫「弄璋」、生女叫「弄瓦」,究竟「璋」同「瓦」係乜嘢呢?「瓦」係古代一種原始嘅紡錘,而古人會畀小女孩玩紡錘,希望佢將來可以善做女紅,個性善良順從,做事循规蹈矩,專心打理家務。

至於「弄璋」,就係畀幼兒玩玉璋,希望兒子將來有玉一般嘅品德。另外,古代嘅達官貴人,衣服上都會佩帶住一個圭璋,「弄璋」嘅意思就係期待佢長大後可以出人頭地,成為大官或者繼承家業。


資料來源:大紀元

相關文章