點解懷孕未夠3個月唔講得?原來同迷信無關…

“未夠3個月唔講得” 經常被現代人視為迷信或者無稽之談,但婦產科醫生表示,呢個說法其實不無道理。根據統計,大約有3分之一到5分之一嘅胚胎,會喺懷孕12週前自然淘汰,如果喺呢段時間公佈,親戚朋友嘅關心就有可能變成一次又一次嘅錐心之痛。


懷孕12週前嘅流產風險,確實比12周後來得高,最常見嘅原因係萎縮性胚胎、染色體異常或都母親有免疫方面嘅疾病,而早期孕期出血都有10%機會發生流產。

所以如果太早俾人知自己懷孕,而又喺頭3個月內不幸流產,之後嘅日子如果遇到親友關心,孕婦會感到非常難受同困擾。懷孕未夠3個月要保守秘密,其實同迷信無關,建議孕媽喺懷孕初期盡量保持低調,而知道其他人懷孕亦都要務必保守秘密,畀孕媽多啲空間,少啲壓力。


資料來源:每日頭條

相關文章