飲食習慣會影響學業成績? 研究:多食蔬菜、水果可提升學習成績

食多啲蔬菜、水果不單止對身體好,仲可以變得更聰明!澳洲一項研究發現,多食蔬菜嘅人,全澳讀寫與計算能力測試(NAPLAN)嘅成績會提高,另外,每日晚餐食蔬果嘅學生,比唔食蔬果嘅學生英語寫作成績好。


據《世紀報》報導,呢項研究針對4200名學生,包括3年級、5年級、7年級同埋9年級嘅學生。結果顯示,多食蔬果可以提高寫作成績。每日食水果嘅學生,其寫作成績比每星期食3~4次水果嘅學生平均高出17分,而飲含糖飲料就會降低學習成績。

澳洲紐卡素大學健康科學學院副教授Tracy Burrows表示,可能係因為食蔬菜、水果會影響神經活動,有提高認知能力嘅作用。教授指出,過去嘅研究只針對食早餐對學習造成嘅影響,而今次嘅研究範圍就擴大到食蔬菜、水果、含糖飲料同埋垃圾食品等等嘅影響。結果發現,飲食確實對學習成績有所影響,之後會更進一步研究學生飲食同學習成績之間嘅關連性。

相關文章