【玩轉免費兒童遊戲室@將軍澳 香港單車館 | 駿琳mama育兒生活札記】

以荃灣人黎講入將軍澳係好遠既事,如果唔係探朋友真係好少會入黎。長途跋涉一於要同駿哥哥盡情地「放電」。

單車館兒童遊戲室以極限運動(BMX)為主題,場地有286平方米大,是康文署六大遊戲室之一。場內設有兒童遊戲室地上和牆壁均舖著軟墊,可讓兒童安全遊玩,尤其適合年紀較少的嬰孩在一個安全的環境中活動。





叻仔。。識企喎!


妹妹同哥哥留影

場館的右邊是家長等侯區,有長椅同鞋架可供擺放物件及方便脫鞋


家長可以長椅休息


以大轆造型既凳



向正中央有架好似停左向泥濘上既吉普車,呢架車成為左景點



有好似齒輪既平衡軟墊可以向上面彈彈下



BMX難道動作賽道



場內唯一嘅滑梯,設計模仿比賽嘅斜路,牆壁又有「塗鴉」,好有感覺!




到妹妹換片時間去參觀下育嬰室先,牆上貼上很多BB衫仔,公仔
好乾淨夠大,但換片位第一個唔係太夠,哺乳室有2張梳化感覺舒服。


玩完場內就去室外放下電


有2個唔同難度既遊樂場(繩網陣,滑梯,親子千秋,小小攀石場仲有一架搖搖船)


呢度仲有大片草地,可以比小朋友跑下放下電


呢度係人工湖甘岩有人玩緊模型船

香港單車館兒童遊戲室詳情
地點:香港單車館(將軍澳寶康路105-107號)
人數:40位(每位兒童可帶同一位家長)
入場費用:免費
遊戲室開放時段:
9:00am-8:00pm(不包括12:30pm至1:00pm)
(每節時間45分鐘至1小時15分鐘不等)

(可參考以下網址:http://bit.ly/1P1gQsV)


單車館指示牌

前往方法:
MTR(坑口站B出口)步行前往,於基督教神召會梁省德小學與文曲里公園之間的行人路一直行,用行人隧道穿過環保大道,便可到達香港單車館。

如果玩完遊戲室電力仲夠,可以去埋場館外既兒童遊樂場,大草地同模型船池。閒時或假日都會有好多一家大細向呢度搭個幕放張墊,野餐比佢跑下放下電。水池仲可以放下船仔添。

賣點:
1. 空曠少人,小朋友可以在遊戲室內隨處跑動
2. 鄰近同區其他兒童遊戲室,小朋友可以玩足全日!
3. 環境與整個體育館主題一脈相承,有心思
4. 體育館外有一片大草地、人工湖同真·極限運動場地,淨係呢到都可以玩到一日時間!

 

Text & Photos by 駿琳mama育兒生活札記

相關文章