根據官方公布嘅數字，新型冠狀病毒嘅確診個案、疑似個案目前已大幅超過SARS，究竟係咩原因呢？專家指出以下4點：
1. 新型冠狀病毒開始流行嘅時候，大家都對呢種新型疾病認識不足，忽略咗可以人傳人嘅風險，導致疫情擴散。
{adv here}
{adv here}
2. 新型冠狀病毒會出現潛伏期感染同埋無症狀或輕微症狀嘅感染患者，容易漏診，係疫情防控嘅最大挑戰。
3. 傳播途徑方面，原本僅僅關注飛沫傳播同埋接觸傳播，但從目前嘅情況來睇，可經糞便傳播，空氣傳播嘅可能性都非常大。
4. 新型冠狀病毒作為一種新嘅疾病，人群普遍對佢冇免疫力，導致病毒所向披靡。
不過專家指出，新型冠狀病毒雖然感染人數多，死亡人數都超過當年SARS，但截至目前為止，全國確診個案嘅死亡率係2.1%左右，死亡患者主要集中喺疫情源頭湖北省，而當年SARS嘅死亡率接近10%，MERS (中東呼吸綜合症) 更高達30%。數據顯示，感染新型冠狀病毒嘅死亡率並唔高。
{adv here}
至於新型冠狀病毒比SARS更為「狡猾」嘅說法，專家表示，主要係由於人們對佢唔夠認識，例如潛伏期患者或無症狀患者嘅感染性、某啲患者特別係重症患者嘅持續排毒時間較長等，都係佢嘅「狡猾」同「詭異」之處。希望透過臨床治療同埋科學研究，加深對新型冠狀病毒嘅認識，慢慢揭開佢嘅神秘面紗。
資料來源：ETtoday
