現代父母，大多數已經唔認同「不打不成器」嘅教育觀念，究竟用打罵嘅方式教小朋友有冇問題呢？
小朋友被打罵，表面上佢哋會好驚，其實內心深處根本冇反省過自己嘅錯誤行為，更加唔會去思考應該點樣去修正自己嘅錯誤。美國兒童教育家海姆‧吉諾特曾經講過：「懲罰不能阻止不良行為，它只能使罪犯在犯罪時變得更加小心，更加巧妙地掩飾罪行， 更有技巧而不被察覺。」小朋友再犯錯時只會變得更加小心，會想盡辦法去掩飾自己嘅錯誤。
{adv here}
1) 儘量控制自己情緒，不打孩子
你可以向小朋友講出自己嘅感受，畀佢知道你對佢剛才嘅行為好不滿。描述自己嘅心理感受，有助於平靜番自己嘅情緒，亦都可以令孩子企番喺父母嘅角度思考問題，然後促進孩子嘅反思。對於唔擅長控制自己情緒嘅父母嚟講，唔打小朋友應該係一個理想，但如果家長因為一時衝動而打小朋友，效果往往適得其反。
2) 用自然後果懲罰孩子
對於年幼嘅小朋友，家長可以話畀佢哋知修正錯誤嘅具體方法，然後畀小朋友自己去彌補錯誤。例如，水打瀉咗，就冇得飲水，小朋友仲需要自己清理番張檯。咁樣做可以令小朋友明白自己嘅錯誤有可能導致咩結果，亦可以畀孩子喺承擔後果嘅過程當中產生悔改嘅想法，可以避免孩子再犯下同樣嘅錯誤。
{adv here}
3) 不要打2歲前和6歲後的孩子
2歲以下嘅寶寶心智發展未成熟，缺乏規則意識係正常。打罵對於小朋友嚟講根本冇用，反而會影響孩子嘅心理發展。隨住小朋友嘅年齡增長，佢哋嘅自我意識同自尊感會越嚟越強。6歲後嘅小朋友已經懂事，父母更需要用講道理嘅方式同孩子溝通，儘量避免打罵，除非迫不得已，要令到小朋友獨立思考錯誤。
資料來源：CMoney
