幫寶寶剪指甲要加倍小心！泰國有一名嫲嫲幫10個月大嘅寶寶剪腳趾甲時，唔小心剪傷咗佢，造成傷口感染、腳趾發炎、含膿，差啲要截趾。
圖片來源：เรื่องเล่าจากโรงหมอ Facebook
{adv here}
該名女嬰嘅媽媽，喺社交網站發文表示，佢帶囡囡回鄉探親，嫲嫲見到孫女腳趾甲咁長，怕佢會刮傷好心幫佢修剪，點知之後出現腳趾紅腫、發燒等情況。女嬰嘅爸爸及時帶佢去醫院檢查，結果發現佢白血球偏低，需要立即輸血。
經醫生診斷，女嬰應該係被剪傷後，家長冇幫佢好好處理傷口，造成血液感染，引發嚴重蜂窩性組織炎及敗血病。由於女嬰嘅腳趾出現腫脹、壞死等跡象，必須透過手術放膿、切除指甲同壞死組織，否則要面臨截趾下場。
{adv here}
醫生指出，嬰兒嘅腳趾甲同手指甲生長速度唔一樣，手指甲大約1周內修剪1~2次，而腳趾甲就可以1個月修剪1~2次，建議等寶寶瞓著後，選擇嬰兒專用嘅修剪工具，並且必須有充足嘅光線，先可以幫寶寶剪指甲。另外，要避免指甲兩邊剪得太深造成「嵌甲」，導致發炎。
資料來源：ETtoday
