現今嘅小朋友，從小對金錢觀念已經好重。為咗唔想小朋友感受到物質上嘅缺乏而導致長大後對金錢過份渴望，好多父母都會盡量滿足小朋友物質上嘅要求，養成咗想要咩就一定要得到嘅習慣，小小年紀已經同好多大人一樣，知道錢嘅重要性。
父母應該點樣令到小朋友從小養成正確金錢觀念呢？不妨參考以下3個做法。
{adv here}
1) 教小朋友正確認識自己的慾望
小朋友面對心儀嘅物品，想擁有係本能反應，但係好多商家會利用小朋友嘅心理，激發佢哋嘅購買慾望。
每次小朋友扭計買玩具，父母都會頭痛不已，與其面對呢個問題，不如提前同小朋友定好規矩。每次買玩具，小朋友都需要提供兩個購買嘅理由，雙方談判過程中，小朋友慢慢會知道，咩係需要，咩係想要，而想要嘅物品，其實係無窮無盡。
2) 讓小朋友正確認識金錢的作用
小朋友崇拜金錢，同父母嘅影響有直接關係。自從有咗小朋友，每日嘅生活就只有柴米油鹽，樣樣都係錢，父母會經常討論，小朋友受到影響，就會覺得錢係萬能。父母可以經常送一啲自己親手做嘅小禮物畀小朋友，物輕情意重，令小朋友體會到除咗金錢，仲有好多嘢值得珍惜。
{adv here}
3) 讓小朋友認識金錢的來源
小朋友嘅錯誤金錢觀念，好多時都係因為佢哋只知道錢可以買到啲咩，而唔清楚錢係得來不易。佢哋唔知道爸媽嘅工作有幾辛苦，每個錢咬出嚟都有血有汗。
父母可以帶小朋友去了解各種職業嘅辛苦，然後話畀佢哋知，呢啲工作每個月可以換來幾多錢。例如喺高空工作嘅建築工人，商場嘅服務員等。小朋友知道父母工作唔容易，就會明白自己唔可以想要就買。
資料來源：Q博士
