好多父母因為自己工作忙，冇時間陪小朋友，唯有儘量用物質去滿足佢哋嘅需求，以為咁做就盡咗父母嘅責任。但其實咁樣教小朋友又係唔係正確呢？
{adv here}
從小培養「有付出才有收穫」的觀念
父母應該令小朋友明白，自己想要嘅嘢，要靠自己努力先能夠得到。對於小朋友嚟講，除咗會有一種「我長大了」嘅被尊重感覺，仲會意識到自己有人生嘅自主權，親身體會到爸媽「搵食艱難」，比起純粹收穫，付出後得到嘅回報，更加難忘，更有教育意義。
喺外國，好多父母會叫小朋友自己想辦法去爭取自己想要嘅嘢。外國嘅家長唔會完全滿足小朋友嘅需求，只會從中協助佢哋，但主要都係要靠自己努力，例如由家長帶領小朋友一齊自製三明治、曲奇餅或者舉辦跳蚤市場販賣家裡二手物品等，所以外國嘅小朋友好早就可以經濟獨立，亦都令佢哋從小就有基本金錢觀念。
{adv here}
有求必應 培養出公主、王子
相反，香港常見「有求必應」嘅教育方式，容易培養出公主病或王子病嘅小朋友。因為想要嘅嘢太容易得到，當有一日你無法滿足佢哋嘅要求，就會嬲、發脾氣。現今社會，呢啲事件層出不窮，問父母攞錢攞唔到就動手傷害自己父母，呢啲行為就係從小過份嬌寵而導致無法彌補嘅後果。所以，父母要戒掉有求必應，話畀小朋友知，想要就自己諗辦法！
資料來源：CMoney
