受到老一輩嘅影響，好多年輕準媽媽懷孕時每日都過得戰戰兢兢，擔心一個唔小心會影響胎兒健康；再加上現今網上資訊發達，導致準媽媽有問題都唔會問醫生，反而會上網搵資料，亦因為咁會吸收到好多錯誤資訊。今次就為大家破解「孕婦界4大迷思」，孕媽們可以鬆一口氣。

{adv here}

孕婦界4大迷思

1) 孕婦瞓覺一定要「左側瞓」？
打平瞓或者右側瞓會影響胎兒健康？其實只要瞓得著，咩姿勢都係好姿勢。

2) 懷孕後期一定要停食魚油，否則生產時會大量出血？
荒謬！因為魚油係健康食品而非藥物，食咗會大量出血嗰啲叫做「毒品」！

{adv here}

3) 懷孕要多啲休息，唔可以做運動？
病咗嘅人至需要瞓多啲休息多啲，孕婦唔係病人，應該多啲活動，促進血液循環先啱。

4) 子宮一收縮就應該安胎，否則會早產？
懷孕期間子宮收縮係好正常。只要 1.唔痛、2. 唔係規則而且頻繁、3. 休息就會好，只要符合其中一項都唔會有早產可能。另外，安胎藥根本冇安胎效果，只可以減少假性子宮收縮。

資料來源：ETtoday