好多父母都會用糖果同餅乾等零食獎勵小朋友，或者佢哋唔鍾意飲水就畀有糖嘅飲品佢哋飲。雖然糖喺生長發育過程係必需嘅能量來源，但攝取過量糖分其實會對健康有嚴重影響，最常見嘅就係蛀牙、肥胖同埋集中力差。
{adv here}
{adv here}
高糖飲食的6個影響
1. 蛀牙
因為小朋友瞓覺時間長，口腔呈現靜止狀態，當口水分泌少，對牙齒清潔作用降低，有利於細菌繁殖。而口腔殘留嘅糖就好容易被細菌分解發酵，產生酸性物質侵蝕牙齒。
2. 影響大腦活動
葡萄糖喺人體入面分解提供能量嘅過程中需要嘅維他命B1只可以由食物中吸收。進食大量甜食消耗維他命B1，仲會降低食慾，影響葡萄糖分解提供能量，產生會影響大腦嘅乳酸。所以小朋友會成日出現煩躁、集中力差同容易喊嘅現象。
3. 營養不良
食太多糖會降低味覺敏感度同埋抑制胃酸，減弱腸胃消化工能同埋吸收，小朋友容易出現厭食同偏食嘅情況。
4. 肥胖
過度攝取高糖飲食，會令糖分以脂肪形式積聚體內，仲有可能引發糖尿病、心血管疾病。
{adv here}
5. 近視
如果小朋友攝取太多糖分同埋碳水化合物，身體入面嘅微量元素「鉻」就會減少，令眼組織彈性變差，眼軸容易變長，容易導致近視。
6. 影響智商
攝取高糖分會減少蛋白質同維他命嘅吸收。小朋友嘅大腦發育最旺盛，如果缺乏蛋白質同埋維他命，就會令大腦發育遲緩，影響智商。
建議小朋友嘅糖攝取量每日唔可以超過佢嘅體重乘以0.5g。（如果小朋友15kg，每日糖分攝取量就唔可以超過15*0.5＝7.5g）
資料來源：ETtoday