世事無常，冇人知道聽日會發生咩事，父母唔可以一世做小朋友嘅拐杖。畀小朋友捱吓苦，經歷唔同嘅事，長大後先會有能力抵擋風雨，要令到佢哋有智慧同埋能力去過自己嘅生活，咁樣先係作為父母嘅明智選擇。
{adv here}
{adv here}
失敗嘅苦
睇過好多綜藝節目，幾個爸爸喺度比賽，小朋友見到自己爸爸攞唔到第一名都會好傷心。當自己玩遊戲嘅時候攞唔到第一名，亦都會走埋一邊喊。其實小朋只係唔明白，佢哋喺自我意識入面唔想失敗，如果家長唔好好引導嘅話，小朋友嘅心理承受能力會好差。如果小時候冇失敗經驗，大個之後遇到失敗就會好容易被人擊敗。
讀書嘅苦
人生有好多後知後覺，冇好好讀書就係其中之一。貪玩係小朋友嘅天性，而讀書就一啲都唔好玩，甚至對某啲小朋友來講，係非常辛苦。
{adv here}
今時今日嘅社會競爭咁大，有高學歷同埋學習能力強嘅人，先會有更好嘅發展機會。知識係非常重要，大家都應該終生學習。如果小朋友從小就唔鍾意讀書，抗拒學習，長大後好早就進入社會工作而唔繼續讀書，到佢哋真正入到職場，就會發現原來係咁困難。
批評嘅苦
有好多人被人批評嘅時候都會受唔住，唔想承受批評，覺得好辛苦。咁樣係因為佢哋小時候係掌上明珠，從來冇捱過苦。畀小朋友承受被批評嘅苦，係為咗可以令佢哋有更好嘅成長。
如果家長唔捨得批評小朋友，唔想佢哋受到傷害，佢哋就會唔知自己錯喺邊度，當其他人用真心話批評嘅時候，佢哋就會受唔住，甚至覺得傷心難過。
喺兒童階段，好多嘢都已經定型，所以家長要把握時間去教育小朋友。對於小朋友來講，冇必要自討苦吃，但以上三種苦，小朋友越早經歷越好。
資料來源：每日頭條
