口腔期係bb嘅一個重要發展階段，啱啱出世嘅bb為咗生存會有吸吮嘅反射動作，開始用嘴巴探索世界，再大個啲就會將抓到嘅物件都放入口。太早制止或者以強硬嘅方式制止，對bb嘅成長過程會有負面影響。有研究發現，被嚴格制止口腔期行為嘅小朋友，將來會比較鍾意咬指甲、食煙、飲酒。
{adv here}
所以，家長唔應該太在意bb為咗滿足口腔期而做出嘅動作，唯一要注意就係佢放入口嘅物件是否乾淨同安全。食手手本身冇咩問題，但如果bb用手周圍摸再放入口，就好容易將細菌會埋落肚。而且經常咬手咬到受傷有傷口，就好有可能造成感染，如果手一直放喺口入面，長時間接觸口水，好容易引起皮膚病。
{adv here}
家長要注意以下2點：
1. bb玩耍嘅範圍，唔可以擺放任何危險或者體積太細小嘅物品。
2. 選擇安全、無毒、乾淨、冇小零件嘅玩具。
{adv here}
此外，萬一bb誤吞咗危險物品，第一時間除咗求救，家長最好學識急救法。
一歲以下嬰兒萬一發生窒息，將BB面向下放喺手臂上，大人嘅手臂貼住BB前胸，大拇指同埋其他四隻手指分別放喺BB下頜骨位置。令一隻手放喺BB背上肩胛骨中間拍五次，之後觀察有冇吐出異物。
如果冇發現有異物。立刻將BB翻過來，頭衝下腳衝上，面對面放係大腿上。一手固定BB頭頸位置，一手伸出食指中指，快速壓迫BB胸廓中間位置，重複五次之後將BB翻過來重複上面方法。直至異物排出為止。
資料來源：每日頭條
