好多準媽媽或者餵緊人奶嘅媽媽都會諗，到底有冇必要用奶泵呢？今次就幫你分析同總結用奶泵嘅好處。
1. 幫助疏通乳腺，儘早上奶，BB只要及時食到初乳就唔使一開始就食奶粉。
{adv here}
{adv here}
2. 用奶泵泵奶可以清楚知道有幾多奶量，可以知道BB每餐食幾多，避免奶水太少令BB食唔飽。埋身餵人奶嘅媽媽成日都擔心唔夠奶，亦唔知點樣判斷BB係唔係食飽，唔知BB奶量嘅增長程度。
3. BB每次食奶時間都唔會太長，唔會養成咬住奶頭瞓覺嘅習慣。如果埋身就好容易造成BB對乳頭嘅依賴，容易養成含住乳頭瞓覺嘅習慣。
4. 避免BB埋身食奶每次只係食到前奶，而食唔到營養豐富嘅後奶。前奶一般比較清，後奶就比較濃，前奶嘅營養物質含量冇後奶咁豐富，而BB一般只會吸吮幾分鐘，食到嘅都係前奶。
5. 媽媽唔使隨時隨地餵BB，唔使長時間保持同一個姿勢搞到腰酸骨痛。
6. 基本上可以每次都吸空乳房，減少漲奶帶來嘅痛苦。
{adv here}
7. BB冇咁易生奶癬，埋身好容易將奶水搞到BB成面成頸都係。
8. 媽媽唔會整損乳頭，避免帶嚟痛苦。BB食奶嘅時候可能會將媽媽乳頭咬損，容易引起發炎，導致被迫終止埋身。
9. BB細細個開始接觸奶樽就唔會對奶樽抗拒。好多BB習慣咗媽媽嘅乳頭就可能會拒絕食奶樽。用咗奶泵嘅話，媽媽就可以喺出街或者返工之前將奶水泵出，放到冰格，要食嘅時候就座暖畀BB食。
10. 斷奶嘅時候會比較容易，唔會對媽媽乳房產生依賴，可以喺適當嘅時候畀BB 加固，慢慢斷奶。
資料來源：壹讀
