新學年啱啱開始，好多媽媽都喺度討論，分離焦慮唔係只會喺寶寶時期出現，上到幼稚園時又有另一個高峰，媽媽們都擔心小朋友嘅心理會受到傷害。到底家長們應該點做呢？

{adv here}

幼兒出現分離焦慮的原因

1) 環境改變：例如搬屋、返學或者去托兒所、屋企加入新成員，都有可能令小朋友產生分離焦慮。

2) 壓力：轉校、失去家人（包括寵物）、父母嗌交、同學嘲笑等，都有可能引起分離焦慮。

3) 過份保護的家長：家長自身嘅焦慮都會影響小朋友，好似傳染病咁，令小朋友出現分離焦慮現象。

化解分離焦慮方法

1) 傾聽並尊重小朋友的感受
當寶寶已經表示同家長分離時感到害怕，傾聽絕對係令小朋友更有勇氣嘅方法。辱罵、嘲笑、嫌棄、生氣只會令小朋友更冇安全感，例如：「咁大個仲咁樣，醜死鬼。」、「我唔理你喇，你跟老師入去啦。」呢啲說話只會令寶寶感受唔到你嘅愛，更怕失去你。

{adv here}

2) 調整分離的情境
例如湊小朋友返學時，如果寶寶同爸爸比較容易分離說再見，咁就由爸爸負責湊。

3) 設定底線
要畀寶寶知道，即使父母理解佢嘅感受，規矩都依然要遵守，例如夠鐘就要返學，唔可以拖。

4) 適當地提供選擇權
某程度上給予寶寶控制權，例如畀寶寶決定帶咩玩具去上課、要咩人陪，小朋友會比較容易感到舒服安心。

5) 分離時家長要保持淡定
寶寶見到你表現從容，佢嘅情緒都會比較容易平靜。

6) 讚美寶寶的獨立
就算係好小嘅事，例如寶寶自動自覺上床睡覺、寶寶喺學校自己食完茶點，父母都應該好好讚美小朋友。

資料來源：華人健康網