生咗寶寶之後，你嘅人生就打開咗新嘅一頁，從此就要同過去講拜拜，走上一條不歸路！
以下就係當媽前同當媽後嘅對比 ↓↓
{adv here}
1) 每日上班前
當媽前：衣服左揀右揀，個妝補完又補，扮靚靚開開心心出門。
當媽後：趁小朋友未起身，求其換件衫就走人，唔咪佢一瞓醒實喊住唔畀我返工！
2) 購物
當媽前：去商場，上網買買買！唔睇價錢，鍾意就買！
當媽後：件件都啱阿囡，最後買咗一大堆童裝，自己一件都冇買，太貴唔捨得買！
3) 影相
當媽前：手機入面全部都係自己7分面、正面、側面、夜蒲妝、素顏自拍照，嘩…巧靚啊！
當媽後：手機入面全部都係小朋友嘅相，而且一個角度影幾十張，其實張張都差唔多！
{adv here}
4) 去廁所
當媽前：碌吓FB IG，聽吓歌，打吓機，好悠閒。
當媽後：「媽咪就出嚟喇，唔好再拍門啦！」
5) 玩手機
當媽前：手機入面全部都係最新流行曲，一有時間就喺FB IG瘋狂留言讚好。
當媽後：手機入面有兒歌三百首。一拎起手機就聽到小朋友放聲大叫「媽咪唔好玩手機啦！陪我睇麵包超人！」
6) 假日
當媽前：同閨蜜High Tea，行街睇戲，隨傳隨到。
當媽後：High Tea？！！邊有時間吖？！！湊仔呢份工係24 x 7㗎！
所以，生咗寶寶之後，整個人生發生咗翻天覆地嘅變化！你已經唔再係你，完全冇咗自己？但係，媽媽們有冇諗過，究竟係啲乜嘢支撐著你一路行落去？肯定有啲比犧牲同付出更大嘅回報。有人話，人生就係一場修行，而小朋友就係你修行嘅最大成果！
資料來源：iFunn.com
