越來越多家長知道親子閱讀對小朋友嘅好處，因為閱讀可以提升小朋友嘅語言能力同理解能力，打開小朋友嘅眼界。 但現今好多小朋友都寧願花時間玩電腦遊戲同電子產品，唔會主動睇書。其實，只要能夠令小朋友發現睇書係一種快樂又有趣嘅體驗，佢哋自然會對閱讀產生興趣。
{adv here}
「讀書破萬卷，下筆如有神」，從小養成閱讀好習慣可以豐富小朋友嘅課外知識，一本好書仲可以培養小朋友正確嘅德行。要培養小朋友對閱讀嘅興趣，首先家長要捨得買書、收藏書藉，培養主動閱讀嘅意識。只要家長有意識地培養小朋友嘅閱讀習慣，佢哋就會慢慢愛上睇書，將閱讀當成一種享受。
1) 讓孩子選擇自己喜歡的書
畀小朋友選擇自己鍾意嘅書籍好重要。有啲家長會認為某啲書籍係小朋友應該睇，就自行幫小朋友選擇或者決定睇咩書，完全忽略咗「開卷有益」呢句名言。總之，書籍一定要係小朋友鍾意睇，樂意睇嘅。
2) 與孩子同閱讀
無論自己嘅工作有幾忙，每日都應該抽少少時間同小朋友一齊睇書，令家長成為小朋友嘅好榜樣。父母同小朋友一齊睇書係一件好幸福嘅事，可以增強彼此嘅交流，增進親子關係。
另外，每日都需要有一個固定嘅閱讀時間。喺呢段時間，大家都只會睇書，風雨不改，如果有特別事做而錯過咗，都一定要之後補返。經過一段時間嘅訓練，就會養成一種習慣，好似洗面、刷牙、食飯、瞓覺一樣。
{adv here}
3) 讀故事書給孩子聽
閱讀從傾聽開始，小朋友最初嘅閱讀興趣同良好閱讀習慣源自傾聽。父母可以經常讀一啲經典童話或寓言畀小朋友聽，令小朋友從小就感受到書中嘅快樂。儘可能提早開始讀書畀小朋友聽，並一直堅持落去，選擇合適嘅時段，每日至少讀20分鐘，同小朋友一齊享受呢個過程。
4) 和孩子聊書
同小朋友一齊睇完書之後，好多父母都會向小朋友提問，或者要求小朋友複述故事，咁樣做主要係想知道小朋友是否明白同有冇記住故事嘅內容。呢個未必係最好嘅方法，因為好多小朋友對父母嘅提問會感到唔耐煩，甚至因為咁而漸漸對親子共讀失去興趣。要幫助小朋友去理解，父母應該透過同小朋友「交流」而令到雙方獲得認同，而唔係以提問方式嚟測試小朋友。
資料來源：壹讀
