準媽媽懷孕期間最緊張嘅事，莫過於寶寶嘅健康！但貪靚係女人嘅天性，好多女性都無法忍受染過嘅頭髮，因為頭頂生出新嘅黑髮而變到兩截色。今次就同大家探討一下孕婦染髮嘅疑問。

{adv here}

懷孕後可以染髮嗎？

喺1997年，來自荷蘭嘅學者Kersemaekers針對9000名染髮師做研究，分別探討1986到1988年及1991到1993年，呢啲染髮師所生嘅子女，喺腦神經發育方面同正常人嘅差別，結果發現喺1986年至1988年呢一組嘅子女有較不良嘅影響，而另一組就同正常人冇分別。

從上面嘅研究睇嚟，懷孕期間染髮雖然唔係百分之百安全，但到目前為止仲未發現明確造成胎兒畸型或影響嘅證據，但染髮劑畢竟有毒性，所以孕婦如果一定要染髮，應該注意以下幾個原則：

{adv here}

1) 染髮最好等到懷孕三個月後進行，因為懷孕頭三個月胎兒正值器官發育期，最容易造成畸型。

2) 儘量減少染髮次數，以免累積藥物而造成影響 。

3) 染髮可以只處理頭髮中、尾段部份，減少頭皮吸收藥物或引發過敏。

4) 如果以前冇染過髮，最好避免懷孕期間嘗試，以免膚質不合適而造成過敏。

資料來源：女人心事